The "Have a Post" page is dedicated to you, my dear friends and viewes...
If you have something interesting to post it on N.A.Y Just E-Mail me at: Bloggingnay@hotmail.com
'This page contains all the posts related to N.A.Y. Fashion's ShowRoom'
If you would like to share your business with us
Please contact me by E-Mail at:

Tuesday, August 7, 2012

رحلة باص الجنة

اليوم راح أطلع عن إطار البلوق بس بتكلم عن شي وايد مهم..

يوم الأحد تاريخ 5/8/2012 كانت أول رحلة لي مع باص الجنة.. هذا الباص يحمل معاه جملة من البنات اللي حبوا يساعدون المحتاجين من البدون و المقيمين بالملابس , والأثاث ، وزكاة ، وصدقات ، والالعاب ، والاكل ، وأي شي يمكن أنه يساعدهم ويرسم البسمة في قلوبهم..

اللجنة إهي لجنة البيادر للزكاة والصدقات واللي تديرها الاخت الحبيبة (حذامي عبدالعزيز المطوع) و أهي تستقبل جميع تبرعاتكم وراح أعطيكم أرقامهم بنهاية الموضوع.وتقدرون تروحون بنفسكم تساعدون وتتبرعون بس من المهم انكم تكلمون اللجنة قبلها بفترة عشان تنسق معاكم لانه الباص صغير والعدد محدود




اللجنة من سنين وإهي شغاله وعلى مدار السنة وتدور كل مناطق الكويت بعد دراسه تامة لكل حالة وبيت , وأنا حبيت أ شارك معاهم بمجهودي البسيط وحبيت أخذ معاي ولدي يوسف اللي عمره خمسه ونص وشريتله أغراض مكتبية يوزعها على أصدقاءة المحتاجين. ولدي كان خايف ولازق فيني وما حب المكان اللي اهو فيه ابد ، وهذا كان هدفي ! أبيه يفهم إنه الحياة مو وردية وأنه النعمه زواله ولازم يحمد رب العالمين يومياً على الخير اللي اهو فيه. ما كان يبي يروح معاي الاسبوع الياي وقلتله هذا قرارك لكن بعدين قالي ماما ابي اروح معاج بس ماما بس بيتين اوكييي ! اوكي :)






هذي الهدايا اللي جهزناها أنا والعيال


وانطلق الباص من ضاحية عبدالله السالم الي جليب شيوخ


نعد التبرعات


وهذا البيت الاول .. الزوجة الاولى رقية عبدالقاسم من بنغلاديش الزوج يعمل مراقب براتب 250 دينار والايجار 150 دينار وعندهم نوف 15 سنه يتيمة و محمد 11 سنة واحمد 11 سنة معاق ذهنياً وعمر 9 سنوات




الام واولادها


 المطبخ


الصالة: التكيف وهل بنكه وين تلحق بالحررر ..



وفي أخت جزاها الله خير تبرعت بوجبات للمحتاجين .. وما شاء الله تجمعوا عالسيارة من كل مكان قاموا اييون مادري من وين وما طلعنا الا واحنا امفضين السيارة


وهذا البيت الثاني .. الايجار 150 دينار والاولاد عبدالعزيز 12 سنة وزينب 14 سنة وانفال 8 سنوات وشيماء 6 سنوات




أنا عبالي انها وحده طلعوا خوات ثنتين ما شاء الله


الصالة




وهذي الحلوه كانت تطل علينا من العمارة


وهذا لقيتة يدور بالزبالة وانتوا بكرامه على أي شي يقدر يلقاه وطلع له ببعض قواطي الزيت والماي..


وهذا البيت الثالث .. ما تتصورون اشكثر ريحة العمارة تموت صج كان بيغمى علي..


نعيمة جوبات فلبينية متزوجه من مصري لا يعمل والايجار 75 دينار اولادها فيفيان 19 سنه و ساره 13 سنه ويوسف 13 سنه ومريم 8 سنوات وجبريل 6 سنوات ومحمد 4 سنوات... الزوج ما عنده إقامة وعليه غرامة 600 دينار وقامت اللجنة بدفع مبلغ الغرامة وراح اتابعه لين تتأكد انه دفع الغرامه واشتغل ودخل اولاده المدارس





وهذول أنا أسميهم ( عصافير الجنة ) 
الله يطرح فيكم البركة يا بنات ويكثر من امثالكم
وكان لي الشرف ان التقي بالحبيبة حذامي واشارك بجزء بسيط من رحلتهم

عندي أرقام هل عوايل اللي رحنالها واللي حاب يروح لهم أو يتواصل معاهم يدزلي ايميل على :Bloggingnay@hotmail.com 

الاسبوع الياي راح تكون الرحلة الى منطقة الظهر.. وبإذن الله راح اشارك معاهم وبييب معاي جدور ومطاطير ويوسف بييب جناط مدارس وحصالته اللي مجمع فيها من أشهر.

.

لجنة البيادر للزكاة والصدقات : 22562139 - 22562149
السكرتارية : 66524753

(مانقص مال من صدقة والله سبحانه وتعالى أمرنا أن ننفق سراً وعلانية وهذي علانيتي والله يتقبل منا صالح الأعمال بإذن الله .. اللهم آمين.)

وسامحوني على الإطالة.


No comments: