The "Have a Post" page is dedicated to you, my dear friends and viewes...
If you have something interesting to post it on N.A.Y Just E-Mail me at: Bloggingnay@hotmail.com
'This page contains all the posts related to N.A.Y. Fashion's ShowRoom'
If you would like to share your business with us
Please contact me by E-Mail at:

Monday, August 13, 2012

باص الجنة: الرحلة الثانية

يوم السبت تاريخ 11-8-2012 كانت رحلتي الثانية لباص الجنه ، وهذي رحلتي الاولى مع معلومات عن اللجنة اللي اروح معاها وإن شاء الله ماراح تكون الاخيرة وراح استمر معاهم اذا الله سهل لي طوال السنة ، بس يمكن يكون اخر موضوع لي في البلوق لهل رحلات بس اذا حابين اكمل معاكم تفاصيل رحلاتي بباص الجنه وتفاصيل العوايل اللي نزورهم عشان تتواصلون معاهم يا ريت تبلغوني اذا حابين اكمل عشان اتشجع :)



يوسف كان معاي وكنت ابي احقق معاه اهداف حددتها بمجهودي الخاص واهي عبارة عن مراحل :
  1. المرحله الاولى : الخوف والرهبة ( تم )
  2. المرحلة الثانية : القبول ( تم )
  3. المرحلة الثالثة : الرغبة وحب مساعدة الناس ( قيد التنفيذ )
  4. المرحلة الرابعة : الابداع والابتكار في مساعدة الغير ( قيد التنفيذ )
والحين اترككم مع الصور...

 يوسف وحصالته عطاها أصدقاءة المحتاجين وبهل رحلة كان أكثر جرأة لأنه ولدي حيييييل يستحي

مع جناط المدرسة اللي شريناها

 عصافير الجنه (أحبهم) قعد ينزلون الاغراض

 بيبان البيوت اللي زرناهم

 البيوت كلها كانت مفتوحه مثل البيوت العربية فتخيلوا الحررر!

 المطبخ ( غير صالح للطبخ ابد )

 هذا كان متواجد بالبيت الاول ( اسمحولي اذا ازعجتكم الصورة )


 هذا البيت الاول فيه عايله مكونه من 21 شخص ما شاء الله

 البيت الثاني

 هذا منصور عمره 21 سنه فيه شلل رباعي وضعيف البنية وعنده عدم مناعه لكن دائم الابتسامة وقعد يكمل دراسته (البيت مكون من 5 اشخاص)

 يوسف قدم له جنطة مدرسة

وقدم له زكاة أخت عزيزة علي موصيتني

 هذا البيت الثالث الام حافظه للقرآن تبارك الرحمن ويوجد وراثه بالعايلة الماء الازرق بالعين وعندما يوصلون لعمر الخمس وعشرين يبدأ النظر يضعف ولازم يسحبون الماء من العين ولما يوصلون عمر الخمسين يصابون بالعمى وعندهم ام عمرها 93 سنه وضريرة

 يوسف قدم لهم جناط مدرسة ( الام طلبت مني اغطي صور أولادها )



عَنْ حُذَيْفَةَ ابْنِ اليَمَانِ رَضِيَ الله عَنْهُ، عَنِ النَّبِيِّ صَلَّى الله عَلَيْهِ وَسَلَّمَ قَالَ: "إِنَّ الْمُؤْمِنَ إِذَا لَقِيَ الْمُؤْمِنَ فَسَلَّمَ عَلَيْهِ وَأَخَذَ بِيَدِهِ فَصَافَحَهُ تَنَاثَرَتْ خَطَايَاهُمَا كَمَا يَتَنَاثَرُ وَرَقُ الشَّجَرِ". 

أخرجه الطبراني فى الأوسط (1/84 ، رقم 245 ) وصححه الألباني في "السلسلة الصحيحة" ( 6 / 431 ).

- عندي أرقام كل عايلة حق اللي حاب يتواصل معاهم يراسلني بالايميل Bloggingnay@hotmail.com

وسامحوني عالاطالة

No comments: