The "Have a Post" page is dedicated to you, my dear friends and viewes...
If you have something interesting to post it on N.A.Y Just E-Mail me at: Bloggingnay@hotmail.com
'This page contains all the posts related to N.A.Y. Fashion's ShowRoom'
If you would like to share your business with us
Please contact me by E-Mail at:

Sunday, September 23, 2012

The House Hotel - Istanbul - رحلة تركيا - سبتمبر 2012





رحلتي الاوله لاسطنبول سكنة في ريتز كارلتون وهذي رحلتي هل مرة سكنه في شارع نيشان تيشي في اسطنبول وهل شارع يعتبر من أحلى الشوارع بالنسبة لي لانه فيه وايد محلات وكافيهات حلوه ودايما الشارع مليان ويسوون فيه حفلات وشغلات تونس 
بالعطل.




الفندق اسمه ذا هاوس هوتيل يعني المنزل ، الفندق صغير فيه بس 100 غرفه بس وايد استمتعت فيه . الخدمة ممتازه والغرف هادية ومريحه وبوفيه الريوق صغير بس متكامل. وايد انصح بهل فندق وله فرع ثاني في اورتاكوي وهم هذا مكاني المفضل بس مافيه سوق لكن طبيعة خلابه لانه مقابل نهر البسفور الشهير يعني المره اليايه بإذن الرحمن راح أسكن فيه.




 غرفتنا كانت جونير سويت



 أهم شي بالغرفة لي مكينة الاسبرسو



 منتجات لاكوتين احبهم

 اللوبي صغير وبنفس المكان فيه بوفيه الريوق
بس حلو ومرتب





 الريوق





كيكة البراوني مالت ذا هاوس كافية المشهووووره.. طبعا كانت من ضمن ريوقي اليومي :)




والحين نبدي مع شارع نيشان تشي

 انا وصلت تاريخ 14-9 واكتشفت انه امس كان فيه الفاشن نايت اوت في اسطنبول حيل تحسفت بس ان شاء الله خيره


 مطعمنا المفضل واهو يم فندقنا بالضبط

 ناتشوز الدجاج وايد لذيذ

 جيز بيرجر عاديه

 بيتزا خفيفه

 وهل كيكه اسمها جوكلت سوفليه سوت لنا ازمه أبونا تولع فيها مع انه مو وايد مع الكاكاو فكنا كل يوم لازم ناكلها!!

 وهذا المحل الصغير يم فندقنا على اليمين وايد حلو صناعه تركيا وفيه اشياء غريبة


 قهوة جوديفا لازم تجربونها كل شي فيها حلو


 مطعم كوك شوب يم فندقنا على اليمين والبرجر عنده لذيذه


وهذ حديقة في نفس الشارع زينه بس كلها قطاوه وكلاب عزكم الله


والحين مع غراند بازار

 شاتوش بالدانتيل هابين فيه الحين وهذي الصخلة اللي ياخذون منها الشاتوش وعطانا صاحب المحل محاضره مفيده عنها : مختصرها انه هل صخله كل موسم بطيح شعرها بروحه فياخذونه ويسوون منه الشاتوش العادي بس الشاتوش الغالي واللي اساسا ممنوع يكون من الشعر الصغير اللي توه نابت لانه يكون انعم فيضطرون انهم يذبحونه وهذا ممنوع بالهند


 احب قلوبهم 



 هل صخره سعرها 2500 يورا

وهذا الكوب من البازار المصري نفس اكواب السلاطين اللي يستخدمونها في قصر دولما بهجة 



 لازم تاكلون الكنافه التركية موجوده بكل كافيهات البازار

الشاي التركي


والحين مع قصر دولما بهجه قصر اخر 6 سلاطين وعاش ومات فيه اتاتورك
















ننهيها بشاي تركي

قصر دولما بهجه وايد فخم وعريق بناه السلطان عبدالمجيد واستغرق بنيانه 13 سنه


قصر توب كابي (قصر السلاطين الأوائل)









 كان مسموح التصوير في بعض اماكن القصر بس للاسف كان وايد زحمه وحر وداخل الغرف قمته ماكو اوكسجين



ختمة الجولة بعصير الرمان ويسمونه بالتركي نار


مطعم حمدي 
بجانب البازار المصري من أحلى المطاعم التركية


كباب بالفستق

 اسمها ختمه



قعدوا فوق بالتيراس عشان تجابلون هل منظر الحلو

أورتاكوي

من الاماكن المميزه في اسطنبول فيها قهاوي ومحلات محلية صغيره اكثرهم يبيعون اكسسوارات



قهوة مادو وايد لذيذة


وافل بالكاكاو والفراولة خفيف ولذيذ من قهوة اوفكاي


إستينيا بارك
أحلى وأشرح مجمع في اسطنبول فيه قسمين داخلي وخارجي المجمع وايج كبير ومحلاته تونس ومو موجوده في الكويت

ذا هاوس كافيه اللي تابع لفندقنا



 شاي ابيض

جوكليت براوني 


 مطعم بورصه أكله كان عادي جدا


وختامها مسك بهل كيكه من الكافيه الاحمر بره نسيت اسمه بس اهو بالوسط واكبر واحد


ما شاء الله مطاعم اسطنبول ما تخلص ووايد أماكن كان اودي اروحلها بس مافي وقت
انصح تزورون اسطنبول وتجربون الاماكن اللي زرتها وان شاء الله تعجبكم 

وانصحكم تقرون عن الاماكن التاريخيه قبل ما تزورونها لانه راح تستمتعون اكثر وانا حاطه رابط لاهم الاماكن

No comments: