The "Have a Post" page is dedicated to you, my dear friends and viewes...
If you have something interesting to post it on N.A.Y Just E-Mail me at: Bloggingnay@hotmail.com
'This page contains all the posts related to N.A.Y. Fashion's ShowRoom'
If you would like to share your business with us
Please contact me by E-Mail at:

Sunday, March 30, 2014

Makeup I Hated Then LOVED !

مرات وايد أشتري مكياج يكون عاجبني بالمحل أو اني سمعت عنه احد مادحه بعدين لما اجربه اكرهه وشوي واقطه لكن أمسك نفسي وأخليه.. بعدين أقرر أني اجربة بطريقة ثانية وانصدم أنه مووووووو طبيعي وأقول هذا أنا ويني عنه من زمان.. المهم بوريكم بعضهم وبقولكم شنو اللي تغير وليش حبيتهم:

1- بيوتي بلندر ( أسفنجة كريم الاساس ) : أول ما جربتها حسيتها أنها ناشفه وما تضبط الكريم عدل ، شلون كنت أستخدمها، كنت أرش عليها ماي بعدين امسح الكريم أساس بويهي .. كرهتها حسيتها ما توزع المكياج عدل ومادري على شنو كل هل مدح وبعدين قررت عقب فترة طويلة اني اغير طرقة استخدامها أول شي حطيتها تحت حنفية الماي وترستها ماي بعدين عصرت الزايد وحطيت الكريم أساس بويهي وطبطبت عليه بالاسفنجة يعني طبطبة مو مسح وهل طريقة كانت خيال خلت الكريم يتغلل داخل البشرة ويعطي لوك واااو والحين بروح اشتري 1000 وحدة من صج ...

2- قلم وفرشة الحواجب من بوبي براون : بالبداية ما حبيت القلم لانه حيل ناشف وما يرسم الحاجب بدقة والفرشة حييييل خشنه بس بعدين تعلمت شلون اضبطهم .. الموضوع كله بطريقة استخدام الفرشة .. قبل كنت احط بودر الحواجب عليها مباشرة وما اعجبتني النتيجه .. شنو سويت وخلتني احبها : استخدت القلم على الحاجب وبعدين الفرشة ما احط فيها شي بس امشط فيها الحاجب اوزع القلم اللي استخدمته فيها والنتيجة وااااو صار الحاجب ناعم وطبيعي وانصح فيهم...

3- البي بي كريم من ميشا : هذا شريته من أمازن ورقمي 21 وبشرتي جافة .. بالبداية ما حبيت اللون ولما وزعته بفرشة الكابوكي (فرشة كريم الاساس) حسيته ناشف وركنته لفترة.. بعدين هم قلت أجربة بطريقة غير : حطيته على أصابعي وفركته فيهم عشان ادفيه ووزعته ببشرتي عن طريق الاصابع والنتيجة واااااو ملمس مخملي وناعم ومو ناشف مثل ما اشتخدمته بالفرشة ولانه في أنواع من كريم الاساس او البي بي كريم تكون احلى بتوزيعهم بالاصابع وبعضهم بالفرشه او الاسفنجة..



1 comment:

عالم المراة said...

Really Thanks .... Amazing :)